Hiru egun festa giroan pasa eta gero, azken eguna goizean goizetik aprobetxatzeko gogoz dira Ereñotzuko bizilagunak. Hernaniko txistularien hotsekin esnatuko dira auzotarrak. Eliztiarrek 10:00etan dute zita; meza nagusia, San Antonio elizan izango da.
Ondoren hasiko da festa. Pelotaleku berrian bi partidu jokatuko dira. Palaz, Ariane Arrieta eta Eli Pagolak jokatuko dute, Miren Goikoetxea eta Maider Huiziren kontra. Eskuz mutilak ariko dira: Oier Apezetxeak eta Asier Arrutik elkarrekin jokatuko dute, Ioritz Arrieta eta Eneko Aizpitarteren aurka.
Pagola, Lujanbio, Egaña, Mendiluze eta Elortza ariko dira bertsotan.
Partiduak ikusi bitartean eztarria freskatzeko aukera ere izango da, sagardo probaketarekin. Festari bertsolariek emango diote segida, arratsaldean: Eli Pagola, Maialen Lujanbio, Andoni Egaña, Aitor Mendiluze eta Igor Elortza ariko dira, 18:00etan hasita.
Atzo ere izan zen ondo pasatzeko tartea: bolariak, musika, ume jokoak... Saltsa ordea, beste joko batzuk jarri zuten: Olinpiadetakoek!
Egitaraua
08:30: Diana Hernaniko txistulariekin.
10:00: Meza Nagusia.
11:30: Afizionatu mailako pelota partiduak.
Paleta gomaz, neskak: Ariane Arrieta-Eli Pagola, eta Miren Goikoetxea-Maider Huizi.
Eskuz, mutilak: Oier Apezetxea-Asier Arruti, eta Ioritz Arrieta-Eneko Aizpitarte.
12:00: Sagardo probaketak Ur Miak antolatuta: Elutxeta, Iparragirre, Elorrabi, Otsua-enea, Olaizola, Goiko-Lastola eta
Larre-Gain.
18:30: Bertso Jaialdia: Eli Pagola, Maialen Lujanbio, Andonio Egaña, Aitor Mendiluze eta Igor Elortza.
Errifa zozketa egin ondoren, jaiei amaiera emango zaie suziriekin.