Futbol Txapelketa, aldarrikapen gisa

Ikastetxeetako espazio publikoak edo patioak erabiltzeko aukera iza­tea aldarrikatzeko, Futbol Txapelketa antolatu zuten herenegun Gazte Txo­koak eta Kale Hezitzaileek. Agustin Iturriaga Institutuko zelaia izan zen eszenatokia eta kirola eginez, giro ederrean elkartzeko aukera izan zuten herriko gaztetxoek. Talde mixtoetan aritu ziren, 6 lagun ingurukoetan.
San Joan jaiei begira ere, ekitaldi gehiago antolatu dituzte. 11 eta 16 urteko gaztetxoei zuzenduta, zinta karrera egingo dute datorren
ostiralean, Kiroldegiko ate nagusiaren parean; urtetik urtera arrakasta haundiagoa duen ekitaldia da, azken hau. Ekainaren 26an berriz,
denetatik izango dute gaztetxoek aukeran: Atsegindegin jarriko dituzte zezen mekanikoa, munduko janariak probatzeko aukera, musika, graffity tailerra, looping bike... Gainera, sariak ere izango dira; partehartzaile guztien artean zozketatuko dituzte.