Hernani ekitaldiz blai, San Joanei aurre hartuta

Astebete eskas geratzen da San Joan jaietarako. Ekainaren 23an, Betikoak elkarteak bo­ta­ko duen txupinazoarekin ha­siko  da festa eta algara. Aste­le­henetik ostiralera ospa­tu­ko dira aurten San Joan Jaiak. Eta aurreko asteburua apro­be­txa­tze aldera, ekitaldiz be­tetako hain­bat egun antolatu ditu Jai Batzordeak. Poten­tee­nak au­rre­ko hiruak izango di­ra; na­hiz eta atzo eta gaur badagoen zerekin gozatu.

Erakustaldia eta lehiaketa, gaur
Kurtso bukaera aprobetxatuta, gi­mnasia erritmikoa egiten ari­tu diren gaztetxoek era­kus­tal­dia eskainiko dute gaur. 10:00­etan izango da, Kirol­de­gian. Txantxangorrik San Joa­nen bueltan antolatzen duen tiro lehiaketetako bat ere gaur da. Uso-tiro txapelketa an­tolatu dute, ‘Hernaniko Udala Sari Nagusia’, Colo­m­baire es­tilora jokatuko dena. Ur­nie­tako Millus baserriko landak izango dira lehiaketako esze­natoki, goizeko 11:00etan.

Ekitaldiz betetako egitaraua, datorren astebururako
San Joanen bueltan anto­la­tutako egitarauari kasu eginez gero, festak ostiralean hasten direla pentsa dezake batek baino gehiagok. Izan ere, ekitaldi mordoa antolatu dituzte, giroa berotze aldera.
Ostiral arratsaldean Xake Partidarekin hasiko da festa; umeei zuzendutako txapelketa antolatu dute, 17:00etan. Baita ere izango dira zinta las­ter­keta, pelota txapelketa... Aur­tengo bi nobedade dira: Urbieta kalean jokatuko den eskubaloi txapelketa; eta Ttarla taldeak Ga­larretan emango duen ikus­ki­zuna. Tilosetan ere, musika ho­tsak ostiralarekin hasiko dira zabaltzen.
Azeri Bila izango da larun­ba­teko ekitaldi nagusietako bat: 17:30etan txikienak abia­tuko dira; eta 18:30etan, na­gusiak. Au­rorak ere izango dira la­run­batean; goizean goizetik ira­ga­rriko dute, San Joanak hemen direla. Tiroko hainbat txa­pel­ke­ta ere jokatuko dira. Eta larun­bateko beste momentu klabea, txos­nen irekiera izango da.

Txosnak datorren larunbatean zabalduko dira, iluntzeko 20:30etan. Plaza Berritik aterata, pintxo poteoa antolatu dute.

Eta igandean segida izango du festak. Hainbat txapelketa jokatuko dira: arrasto txaku­rrak Xoxokan, itsas arrantza, pa­lankariak, bola... Iluntzean mu­sika izango da nagusi: Karaokea an­tolatu dute Bilgune Fe­mi­nistaren txosnan, eta Reggae-Brasil gaua Molotoffen.

Laguntzaileak behar dira, Dobera-Kronikako txosnarako

Txosna jarriko du, aurten ere, Dobera-Kronikak. Joan den urteko kanpaina bu­ka­tzea da helburua. Izan ere, multikopista berria ekarri bada ere, ordaintzeko falta den dirua bildu nahi da.
Nobedadeak izango di­ra aurten. Goizeko ordu txikie­ta­­ko go­sari ederrez gain, afa­­riak ere emango dira. Tur­­­noak osatzeko bolunta­rioak behar dira, eta ani­ma­tzen denak hi­ru modu ditu: bulegotik pasa, 943 33 08 99ra deitu edo emaila idatzi kro­nika@kronika.net-ra. Baz­ki­de eta herritarrek egin­dako mada­lena, biz­ko­txo eta bestelakoak ere ongi etorriak izango dira, gosarietarako.

EKAINAK 20, OSTIRALA
17:00: Xake partidak haurrentzat Atsegindegin.
17:00: Zinta lasterketa 11 eta 17 urte bitarteko gazteentzat, Latsunbe auzoan. Gazte Txokoa eta Kale Hezitzaileak.
18:00: Eskubaloi lehiaketa kalean; Handballstreet. 2014ko kanporaketak Urbieta kalean.
19:00: Gipuzkoako Foru Aldundiaren V. Pilota Txapelketa, Kiroldegian. Eskuz binakako partida bat eta erremonte txapelketaren finalerdiak. Euskal Jai Berri Erremonte Fundazioa.
22:00: Ttarla dantza taldearen emanaldia. Galarretan.
23:00: Rockabilly-Psichobilly gaua Screamers and Sinners, Temblores eta Freddie Fano y los Marijuana Trio taldeekin, Tilosetan. Astintzen Musikatea.

EKAINAK 21, LARUNBATA
08:00: Aurorak Ozenki, Kantuz
eta Goizuetako Umore Ona
abesbatzekin.
09:00: Compact Sportin-go I. jaurtiketa Arkalen. Txantxangorri.
10:00: Plater-tiroketako txapelketa lokala eta probintzia mailako tiroketa. Hobi txikia. Txantxangorri.
12:00: Eskubaloi lehiaketa kalean. Handballstreet 2014ko kanporaketak. Tilosetan.
16:30: Pelota partidak kiroldegiko frontoian.
17:00: ‘Miguel Ollo´ren VIII. Oroimenezko proba. Haur kategoriako karabina tiroketako XLVI. Txapelketako kanporaketak. Txantxangorriko lorategian.
17:30: XIII. ‘Azeri bila’ herri lasterketa haur eta gazteentzat.
18:30: XVI. ‘Azeri bila’ herri-lasterketa helduentzat.
20:00: Boxeo eta kick boxing borrokak kiroldegian.
20:30: Txosnen irekiera. Abia­puntua: Plaza berri. Pintxo poteoa.
22:00: Elektro gaua Molotoffen.
23:00: Punk Oi-Hardcore gaua. Eztanda, Dictadura, Kaleko Urdangak eta Nueva Autoridad Democratica. Tilosetan.
 

EKAINAK 22, IGANDEA
09:00: XXXII. Probintzia
mailako ‘San Joan Sari Nagusia’
eta txapelketa lokala. Erakustxakurrak ehizean
Xoxokan. Txantxangorri.
09:00: XXII. probintzia mailako itsas-arrantza txapelketa.
San Joan Saria. Txantxangorri elkartea.
10:30: Palankarien XXXIII. proba Sagastialdeko pistetan. Etxeberri elkartea.
11:00: ‘Gerardo Plaza’ren VIII. Oroimenezko xake proba Plaza Berrin. Xake elkartea.
18:00: Bola jokoa. Bigarren jaurtiketa Goiz Eguzkiko bolatokian.
21:00: Karaokea Bilgune Feministaren txosnan. Txosna Batzordea.
22:00: Reggae- Brasil gaua Molotoff Irratiaren agertokian.