«Lanean berriz hasteko ia ezinbestekoa da formakuntzatik pasatzea»

LANGABEZIAN dauden he­rri­tarrek zein bide dituzte lan mundura itzultzeko? Karmelo Labakan kon­turatu dira informazio fal­ta haundia dagoela. «Az­ken urteetan gauzak alda­tuz joan dira, eta her­ri­ta­rrek badakite ikastaro ba­tzuk egin ditzaketela. Bai­­­na­ no­lakoak dira? Zer­ta­ra­ko balio dute? Ba al dakite pro­fesionaltasun ziur­tagira lortu dezake­te­la? Info­r­ma­zio falta haundia su­matu, eta guk ema­teko be­harra sentitu dugu» diote Mikel Ubriz, Kepa Za­­ma­lloa eta Mikel La­rrañagak, Karmelo Labakako irakasle eta ar­du­­­radunek. 

Hitzaldia, ostegunean
Informazio guztia eman nahian, bi hi­tzal­di an­to­­latu dituzte herri­ta­rrek­in. Au­rre­nekoa orain aste batzuk izan zen; eta bigarrena ostegunean antolatu dute, Karmelo Labakan, 18:00­etan. «Jen­deak aukera izango du nahi duenaz in­formatzeko; langabetu edo lan­gile guztientzat da gon­bitea. Azaldu nahi dugu, gu­re helburua ez dela jen­deak ikastaro edo forma­kuntza Karmelo Labakan egitea. Izan ere, bakoitzak gustuko duen zerbait egin behar du, eta hemen ez ditugu aukera guztiak es­kaintzen. Gure helburu na­gusia da informatu eta herritarrak bideratzea».

Alaitz Aizpurua: «beldurra nuen, ikasten hasi, lana atera, eta zer?»
Maiatza erdialdean egin zu­ten aurreneko bilera hartatik konklusio bat bai­no gehiago atera zituzten. Ez zen espero adina jende azaldu, baina ger­tu­ratu ziren herritarrei argi geratu zitzaien zein zen hemendik aurrerako bidea. Adibide horietako bat da Alaitz Aizpurua. Hernania­rra langabezian dago. Beste askok bezala, bazuen ikas­taro batzuen berri, besteak beste, Lanbiden ematen dutelako informazio hori. 
H­itzaldiaren hasieratik kon­­­­turatu zen ordea, in­formazio asko fal­ta zi­tzaiol­a: «nere beldu­rre­tako bat zen: ikasten hasi, eta lana ateratzen bazait zer? Berehala konturatu nin­tzen hori ez zela arazoa. Ikasteko bide asko daude, formula asko, herritarrari mo­mentu bakoitzera ego­ki­tzeko aukera ematen dio­tenak». 
Kasu errealekin segita, arduradunek diote, oso ohi­koa dela momentuka ikastaroak utzi beharra izatea: «ikasten ari zara eta 15 egunerako deitzen di­zu­te, lana egiteko. Edo egun ba­tzuk behar dituzu, behar per­tsonaletarako... Malgu­tasun haundia dago. Azke­nean hori da bilatzen dena; jendeak ikastea, baina ikaste hori laguntza izatea eta ez traba».

Sei aukera, ikasten segitzeko
Karmelo Labakako ard­u­ra­du­nen esanetan, herrit­arrek ideia edo maxima bat izan be­har dute bu­ruan: «lan mun­dura sar­tzeko bide na­gu­sietako bat da forma­kuntza». Sei bide daude, ikasten hasi edo segitzeko:

• Online: ia gehiena etxe­tik egiteko modua da www.ulhi.hezkuntza.net orrian eskaintzen dutena. Tu­tore bat izaten da, eta tarteka, klase presen­tzia­lak jasotzen dira.
• FPak: Profesionaltasun ti­tulua ateratzeko Erdi Mai­la­ko eta Goi Mailako zi­kloak dira.
• Enplegurako prestakuntza: profesionaltasun ziurt­a­giria lortzeko bidea.
• Dispositiboak: lan es­pe­rientziagatik konbalida­zioak lortzen dira.
• Sarbide frogak: adinaren araberako sarbide frogak dira, Erdi eta Goi mailako zi­kloak egiteko, edo uni­bertsitatera sartzeko.
• Eskaintza partziala: Be­tiko FPekin dute lotura; baina zatika egin liteke.

Europa 2020: ziurtagiriak, langile guztiek
Europak 2020rako duen asmoen berri ere eman nahi dute Karmelo Labaka: «helburua da 2020an inor lanean ez aritzea profe­sional­tasun ziur­ta­giririk gabe: izan eri­zain, kama­rero, mekani­ko... Edozein lan egiteko be­harko da ziurtagiria.