Hernaniko waterpoloak egun haundia du gaur. Hasteko, 13:15etan, Gipuzkoako Kopako finala jokatuko da, Hernani eta Bidasoaren artean. Nesken mailako finala izango da, eta Hernanik dena emango du, denboraldia sari eder batekin bukatzeko.
Segidan, urtero jokatzen den San Joan Saria. Zazpi taldek hartuko dute parte. Mutiletan: Lautada, Sestao, Maristas eta Hernani. Kuadrangular moduan jokatuko dute, eta finala bi onenen artean jokatuko da; beste biek hiru eta laugarren postuak izango dituzte jokoan. Nesketan, hiru talderen artean izango da lehia: Sestao, Maristas eta Hernani. Triangular estiloko txapelketa izango da, eta kasu honetan ere, bi talde onenek jokatuko dute finala. Torneoa 14:00etatik 19:30etara jokatuko da.