Garaiko eta tokiko produktuak, gure dendetan

Atzo aurkeztu zuten, Herna­niko Arregi barazki dendan Baratzeko estreinaldi han­di­ak kanpaina. Asmoa da ga­raian garaiko eta tokian to­kiko produktuak erosi eta kon­tsu­mitzeko ohitura be­rres­kuratu eta indartzea. Era berean, «tokiko ekonomia eta bertako baserritarren lana sustatzeko modua» ere badela nabar­mendu zuten Mikel Insausti, Kutxa Eko­guneko zuzenda­riak eta Luis Intxauspe Her­naniko alka­teak.
Proba pilotoa Hernaniko 15 den­datan egingo da, as­te­le­he­nean hasi eta 3 hila­be­te­tan: Arriatzu, Ezkerro, Peña ja­nari denda, BM su­per­merkatua, Iñigo Diez ja­nari denda, Lurreko, Itziar ja­nari denda, Ansa janari den­da, Aliprox, Portu auzoko ja­nari denda, Adriana janari denda, Ares barazki eta fruta denda, Isu, Autoservicio Aitor eta Arregi janari denda.
Kan­paina bukatu eta ebaluazioa egin ondoren, egi­tasmoa Gi­puzkoa osora zabalduko du­te.

Informazioa, dendatan edo azokan, mobilean eta interneten
Argibideak ematen izan ziren: Kutxa Ekogunea, turismo bu­legoa eta Luis Intxauspe Hernaniko alkatea, atzo egin­dako aurkezpenean.
Denda bakoitzean trapuak egongo dira, sasoiko pro­duk­tu­en inguruko informazio­a­re­kin; baita dendetako karte­letan ere. Kontsumitzaileak jakin ahal izango du zein produktu den sasoikoa, zein  dagoen garaian, eta zeinen garaia bukatzen ari den. Informazio hori interneten ere egongo da www.garaikoa.net webgunean, eta baita bertatik des­kargatu daitekeen mugiko­rretako aplikazioetan ere.
Bestalde, denda bakoitzean hilero sasoiko produktu bat nabarmenduko da, eta eros­­­ten dutenei zapia opa­rituko zaie hilabete bukaeran.