500.000 euro jarri ditu Udalak herritarren eskura, datorren urteko aurrekontuei begira proposamenak egiteko. Bide horretan, gaika banatutako bilerak antolatu dira, eta gaur egingo da azkenekoa, berdintasuna, lankidetza, inmigrazioa, hezkuntza eta gazteen inguruan. Arratsaldeko 18:00etan izango da, Plaza Feministan (Iturregi plaza), eta Udalak gogorarazi du haurtzaindegi zerbitzua egongo dela.
Proposamenak nola egin
Bilerak gaur bukatuko badira ere, igandera arte egin ahal izango dira proposamenak, Biterin, udaletxean eta kiroldegian dauden buzoietan edota www.hernani.net webgunean.