Hernaniko taldea aurkeztuko da gaur, Biterin

Gaur arratsaldeko 19:00eta­ra­ko pelikula eta mahain­gurua antolatu ditu Fiare Hernani taldeak.
Bide batez, banku etiko honen Hernaniko taldea aurkezteko ere aprobetxatuko dute, eta deia luaztu nahi diete hernaniarrei gerturatu eta taldea ezagutzeko.

Finantza eremua aldatzeko proposamenak
Fiare banku etikoaren alda­rrikapen nagusia da gauzak beste modu batera egin dai­tezkeela, egungo finantza eta ekonomia ereduak aldatuta.
Hori erakusteko, Con tu dinero pelikula jarriko dute gaur. Ondoren, mahaingurua egingo dute. Bertan parte hartuko dute Setem, Gober­nuz Kanpoko Elkarteko kide Carlos Azkaratek, Oiartzual­de­a­ko Fiareko kide Beñat Ira­suegik eta Hernaniko Fiare taldeko kideek.

Parte hartzeko moduak
Bestalde, gaurko zita aprobe­txatuko dute Fiare Hernani taldea eta bertako kideak aurkezteko.
Herri edo eskualde ba­koitzean bertako herritarrek osa­tutako taldea sortzea ga­rrantzitsua dela diote, eta beraz, parte hartzeko modu­ak zein diren ere azalduko dute.