Oiartzungo pelotarien aurka jokatu zuen Hernanik lehengo ostiralean kiroldegian, Herriarteko txapelketako final laurdenetan. Iazko txapeldunek lan txukuna egin zuten, eta Hernanik 3 partiduetatik 2 galdu zituen. Kadeteetan 22-17 galdu zuten Pagola eta Lazkanok. Jubeniletan, Cisneros eta Rodriguezek ere galdu egin zuten 22-14. Seniorretan, ordea, ikaragarrizko lana egin zuten Ioritz Arrietak eta Eneko Aizpitartek, eta 22-9 irabazi zuten. Ostiral honetan Oiartzunen jokatuko dituzte itzulerako partiduak, 19:30etan, eta jokoaren maila mantenduz gero, aukera izango du Hernanik aurrera egiteko.