Ostegunean hitzaldia eta aholkuak emango ditu Bidez Bide elkarteko Katja Reinberg Castellok, ikasketak homologatzeari buruz.
Hernaniko Amher elkarte multikulturalak eta SOS Arrazakeriak antolatutako hitzaldia izango da. Helburua da beren jatorrizko herrialdean ikasketak egin dituztenei la-guntza ematea, titulu horiek hemen konbalidatzeko.
‘Nik ere baditut ikasketak. Nola homologatu?’
Horixe hitzaldiari jarri dioten izena. Amher elkarteak azaldu du «emakume eta gizon askok jatorrizko herrietan ikasketak egin zituztela, baina egun ez direla profesio horretan ari». Hain zuzen, lortutako tituluak hemen konbalidatuta ez daudelako.
Beste herrialde batean egindako ikasketak hemen homologatzeko laguntza emango dute.
Horretarako izango da osteguneko zita. Informazioa, aholkularitza zerbitzua eta orientazioa emango dira, zein pausu eman behar dituzten jakiteko bigarren hezkuntza, batxilergoa, ikasketa teknikoak, edota goi mailakoak egindakoek titulua hemen homologatzeko eta onartua izateko.
Azaltzeko deia
Emango den informazioa eta aholkularitza zerbitzua oso lagungarriak izango zaizkielakoan, Amherrek bertaratzeko deia luzatu die tituluren bat konbalidatzeko dutenei.