Aurreikuspen guztiak hautsi zituen atzo Durango eta Iruñea lotu zituen giza kateak. 150.000 lagunek parte hartu zuten 123 km-ko giza kate erraldoian, eta Hernaniko arduradunek diotenez, 2.000 inguru kalkulatu zituzten 101 km-an. Festa giroa nagusi zen, goizean goizetik. Autobusek bi buelta egin zituzten, eta hala ere denak garaiz iritsi ziren; eta gosalduta! 12:00ak iristen ari ziren bezala, poza nagusi eta festa nagusi. Ordu erditik gora elkarri helduta egon ziren 150.000 lagunak. Erronka beteta, arduradunek Kronikari adierazi zioten atzokoa «mugarri» bat izango dela aurrera begira. «Zerbait berriaren hasieran gaudela ikusi dugu. Katalanen bidea egin dezakegula guk ere. Poza, alaitasuna, elkartasuna, eta indarra sentitu ditugu».
Dena ondo atera zen atzo. Eguraldia lagun, joan puntual eta etorri puntual, giza katea osatzeko arazorik ez...
Batzar haundi bat, ekainaren 21ean
Mugimendu honek nora jo behar duen erabaki nahi da orain, eta hasteko, hurrengo geltokia batzar bat izango da; batzar haundi bat, ekainaren 21ean egingo dena.