Mendi irteera antolatu dute gaur mendi ibilbide bat markatzeko. Historiaurrea, hegiz hegi izeneko ibilbidea izanen da gaur markatuko dutena. Goizeko 09:00etan abiatuko dira plazatik. Herritarrei dei egiten diete animatzeko. Aranon, mendi ibilbide ugari daude. Urumea Arnasturen web orrialdean (www.urumeaarnastu.com) aurkitu daitezke guztiak, baina ibilbidean bertan ez daude markak edo seinaleak. Hori horrela, ibilbide horiek markatu beharra ikusi du Udalak. Irteera gehiago ere eginen dituzte, pixkanaka ibilbide guztiak markatzeko. Informazio gehiago biltzeko ere aprobetxatu nahi dute: argazkiak atera, desnibelen informazioa bildu...