Afaria bezain kantaldi goxoa izan zuten Gartxotekin

Gartxot musikariarekin kan­tuan aritu ziren lehengo la­run­batean Osiñagako bizilagunak.
Auzoko festetarako ederki prestatu zuten eztarria afal­tzera bildutako haur eta hel­duek, auzotar berriarekin. Gartxotek urtebete inguru da­ra­maki Osiñagan bizitzen, eta pozik onartu zuen bizi­la­gunekin afaldu eta kantuan aritzeko aukera.
Afaria primerakoa izan zen, eta ondoren sortutako giroa ere, ederra. Gartxotek gitarra atera zuen, eta prestatutako kantuekin hasi zen. «3 L-ak», aipatu zituen, «Lete, Laboa eta Lertxundi».
Behin lotsak galduta eta eztarriak berotuta, abesti bat bestearen atzetik lotu zituzten. Azkenerako, gaua motz gelditu zitzaien, abestu nahi zituzten guztiak abesteko.
Asteburu honetan aukera izango dute festarekin ja­rraitzeko.