Abstentzioa nagusitu zen joan den igandeko Europako Hauteskundeetan, eta Urumea goialdeko bost herrietan ere halaxe izan zen, bozkatzera deituta zeuden 20.016 herritarretatik %57k ez baitzuen boturik eman. Goizueta da salbuespen bakarra, %58 joan baitziren bozkatzera, eta abstentzio bajuena hark izan zuen, %42koa. Astigarraga eta Aranon izan zen haundiena, %65 ingururekin.
Goizueta da salbuespena, %58 joan baitzen bozkatzera, abstentzioaren gainetik.
Alde dezentekoa alderdien artean
Gainerakoan, 8.193 herritarrek bozkatu zuten, bost herri horietan, eta nabarmen, herritarrek EH Bildu alderdiaren alde egin zuten, 4.046 botorekin ia botuen erdiak beretzat izan baitziren. Hurrengo alderdiak urruti geratu ziren. Aranon, Goizuetan eta Ereñotzun, botoen %80 inguru jaso zituen EH Bilduk; Astigarragan %41 inguru eta Hernanin %48 inguru.
Hurrengo alderdiak, EAJk, botoen %16 pasatxo bildu zituen joan den asteburuko hauteskundeetan. 1.315 botorekin bigarren indarra izan zen, lehenengotik urruti, eta hurrengoetatik ere bai.
PSOE alderdia, 824 botorekin, eta botoen %10 ingururekin, hirugarren indarra izan zen, ia boto gehienak Hernanin eta Astigarragan jasota.
Podemos alderdiak 492 boto lortu zituen, botoen %6 inguru eta laugarren indarra izatea lortu zuen. PP alderdiak eta IU-EKI alderdiak hortxe-hortxe ibili ziren botoetan, 376 eta 362 herritarren babesa lortu zuten, %4,5 ingururena.