Igandean egingo da Durango eta Iruñea elkartuko dituen giza katea, erabakitzeko eskubidearen alde. Eta Astigarragako Gure Esku Dagok hainbat argibide eman ditu egun horretarako. Jakinarazi duenez, hiru autobusak 08:30etan aterako dira Joseba Barandiaran plazatik. 102 kilometroan, giza katean parte hartu ondoren, Etxarrira joango dira autobusetan, bertan egingo den jaialdira. Etxerako buelta, hasiera batean, 18:30etan jarri dute. Autobusak utzitako tokian hartuko da autobusa eta aurrez zehaztutako orduan.
Kotxez doazenentzat gomendatu dute ordu berean ateratzeko haruntz eta 102 zenbakia ikusteko moduan jartzeko.
Umeentzat maxicosia
0-3 urteko umeek maxicosia eraman beharko dute autobusean eta 3 urtetik gorakoek, segurtasun uhala jarri beharko dute. Bertan, umeekin kontuz ibiltzeko ere eskatu dute, trafiko askorik ez egon arren, kontuz ibili beharko baita.
Bakoitzak bere janaria eramateko ere aholkatu dute. Nahiz eta Etxarrin postuak egon, hobe dela uste dute bakoitzak berea eramatea.
Kontzertuak, Etxarrin
Etxarrin jaialdia izango da 14:00etatik aurrera. Besteak beste, kontzertu eta postu ezberdinak egongo dira.
Apuntatzeko azken eguna, larunbata
Autobusetan apuntatzeko aukera badago oraindik, baina leku gutxi geratzen denez, azkar mugitzeko dei egin dute. Berez, larunbatera arte izango da aukera. Metroak erosteko ere bai.
EGITARAUA
08:30, irteera Joseba Barandiaran plazatik.
10:00, 102 km-an kedada,
katea montatzen hasi.
12:00, katerako prest!!
12:30, katea amaitu!
14:00, ekitaldia eta jaialdiaren hasiera Etxarrin.
18:30, Etxarritik irteera.