Udara gainean da eta igerileku irekiak prest dira, ekainaren 14tik ateak zabaltzeko. Gainera, aurpegi berri bat erakutsiko dio bisitariari, tabernan egitea pentsatzen den berrikuntza batzuk egin baitira. Tabernari aukera gehiago eman zaio horrela, otorduren bat emateko eta igerileku orduez gain zerbitzua eman ahal izateko.
Hiru hilabetez irekiko dira jolas igerilekuak, 86 egunez hain justu, irailaren 7ra bitartean. Goizeko 11:00etatik 20:30etara zabalik izango dira, eta piszina eta belardi zabalaz gain, mahai tenisa, saskibaloia eta boleibol pista ere badira, iaztik.
86 egunez irekiko dituzte igerilekuak, goizeko 11:00etatik arratsaldeko 20:30etara.
Tabernari berritu haundi bat
Hernaniko Udalak 90.000 euro inguru gastatu ditu igerilekuko tabernan erreformak egiten. Lurra eta sapaia aldatu da, sukalde txiki bat jarri, kamarak... Asmoa da, edariez gain eta janari hotzaz gain, otordu moduko batzuk emateko aukera izatea: bokadillo, plater konbinatu eta abar. Gainera, igerilekua ixtean tabernari independentzia eman nahi zaio, norbaitek bertan mokadu bat egiten geratu nahi badu ere.
Beraz, esan liteke tabernari berritu haundi bat eman zaiola, baina Beñat Amenabar kirol zinegotziak Kronikari jakinarazi dionez, honekin hasiera bat eman zaio gerora Udalak nahiko lukeen taberna-ideiari. Aurrerago jatetxe izatea ez du deskartatzen Udalak: «Berez proiektu osoak 300.000 euroko gastua suposatuko luke, eta orain hasiera bat eman zaio lan horri, 90.000 euro horretara bideratuta, 2013 eta 2014ko aurrenkontuetatik».
Asmoa da, edariez gain, otordu batzuk emateko aukera izatea: bokadillo, plater konbinatu...
Goizetik gauera zabalik
Egun guztian zabalik izango dira igerilekuak, hasi 11:00etan eta gaueko 20:30ak arte. Bost egunez bakarrik murriztuko da ordutegia, ekainaren 16tik 20ra: 15:30etan zabalduko dira.
Bonoak eta eguneko sarreren prezioak
Aurten orokorrean %2 inguru igo da sarreren prezioa. Igerilekura maiz joaten denak egokiena du bonoa egitea. Dagoeneko aukera zabalik dago, Hernaniko kiroldegian, eta igerilekuak irekita dauden garaian edozein momentutan egin ahal izango da abonua.
Bonoa merkeago daukate Hernaniko eta Astigarragako kiroldegietako bazkideek, orokorrean %50 inguru merkeago, hain zuzen. Adibidez, familiako bono batek 71,20 euro balio ditu, kiroldegiko bazkide izanez gero, eta 141,80 euro bazkide ez denarentzat.
Proiektu osoak 300.000 euroko gastua suposatuko luke, eta orain arte 90.000 gastatu dira.
18 urtetik beherakoek ere merkeago izango dute, bai bonoa eta bai eguneko sarrera.
Bonorik egiten ez duenak, eta sarrera ordaintzen duenak egun guztirako ordainduko du; alegia, eguerdian igerilekutik atera arren, arratsaldez ere sartzeko aukera izango du. Sei hilabetetik beherako haurrek ez dute ordainduko. Eta sei hilabetetik 3 urterako haurrek 2,40 euro ordainduko dituzte.
Haur taldeentzat begiraleak
10 umetik gorako taldeentzat prezioa merkeagoa izango da, eta begiralea dohainik izango dute, 10 haurreko talde bakoitzeko. Harremanetarako, deitu:
943 55 21 85 - 943 01 63 45 edo kirola@hernani.net.
BONOAK
Astigarraga eta Hernaniko kiroldegietako bazkideentzat:
- 18 urtetik behera
- 18 urtetik gora
- Familiarra
Bazkide ez direnentzat
- 18 urtetik behera
- 18 urtetik gora
- Familiarra
EGUNEKO SARRERAK Egun guztirako balio dute
- 0-6 hilabete
- 3 urtetik behera
- 18 urtetik behera
- 18 urtetik gora
- Taldeak: Prezio bereziak 10 haurretik gorako taldeentzat (4,70-4,10). 10 haur = begiralea dohainik