Jende mugimendua nabari zen atzo, eta gaur leporaino betetzea espero da. Ostegunetik zabalik da errugbi elkarteak jartzen duen Garagardo Azoka. Nesken taldea omenduz hasi zuten aurtengo edizioa, eta ordutik ehundaka herritar pasa dira bertatik. Azokak eguerdiko 12:00etan irekiko ditu gaur ateak, eta jateko aukera izango da 13:00etatik 16:00etara eta 19:00etatik aurrera.
Edateko hamabi garagardo jarri dituzte aukeran. Eta jateko, garagardo azoketako jaki tipikoak: ukondoa, saltxitxak, oilaskoak, patata purea... Azokan lortzen den diru guztia errugbi elkarteari laguntzeko da.
Bihar gaurko ordutegi bera izango du azokak. Eguerdian bazkaria egitekoak dira taldeko jokalari guztiak, eta bertan omenduko dituzte aurten taldea utzi duten lau jokalariak: Tony Jones, Jon Olano, Mathius eta Patxi Barandiaran.