hil ala biziko partidua du jokoan gaur Hernanik. Final zortzirenetako partidua du Kiroldegian, Ataunen kontra. Joanekoan ataundarrak izan ziren nagusi 2-1; Hernanik markagailuari buelta ematea beste biderik ez du, txapelketan aurrera egin nahi badu. Partidua 20:30etan da, eta klubetik herritarren babesa eskatu dute: «beharrezkoa dugu zuen laguntza eta babesa».
Partiduei dagokienean, bi nobedade ditu Hernanik. Kadeteetan, Xabat Pagola eta Ander Lazkanok jokatuko dute; atzelariak ezin izan zuen joanekoan jokatu. Helburua da, ahalik eta tantu gehien egitea, maila honetan ataundarrak gainditzea oso zaila baita. Jubeniletan, Cisneros eta Rodriguezek jokatuko dute. Gustora sentitu dira entrenamenduetan, eta irabazi beste biderik ez dute gaur. Azkenik, seniorretan, Ojuel eta Lizeagak jokatuko dute. Hernaniarrak nagusi dira pelotalekuan eta irabaztea espero da.