Herriarteko Txapelketari ostiralean ekin zion Astigarragak. Final zortzirenetan, Arrasateren aurka lehiatzea tokatu zaio eta joaneko partiduetan 1-2 nagusitu zen (12 tanto dituzte aldeko, berdinketa badago). Kadete eta jubeniletan irabazi zuen Astigarragak.
Bueltako partiduak ostiralean jokatuko dira, Astigarragako pelotalekuan. Arratsaldeko 19:30etatik aurrera jokatuko dira.
Ostiraleko emaitzak: kadeteetan (9-22), Gorka Oiarbide eta Hodei Espositok jokatu zuten. Nerbioso hasi ziren, dudekin, baina jokoa hobetu eta irabaztea lortu zuten.
Jubeniletan (17-22), Maikel Ruiz eta Argoitz Otañok partidu oso ona egin zuten. Otañok bere kolpearekin dominatu zuen jokoa.
Nagusietan (22-16), Xabier Barandiaran eta Jokin Santxezek hasiera oso kaxkarra eman zioten. Ondoren, jokoa hobetu eta 15-16ra gerturatu ziren. Ez zen nahikoa izan.