Hernaniko Berdintasun Kontseilua hausnarketa bat egiten ari da orain urte batzuetatik hona, espazioa eta generoaren inguruan. Proiektu bat egina dute ‘Andrekale’ izenarekin, eta bertan aztergai jarri nahi da herri eta hirietako leku izenak aukeratzeko garaian kontuan izaten diren irizpideak.
Herritarrei deia
Proiektu honen harira mahaingurua antolatu dute gaur, iluntzeko 19:00etan, Biterin. Andrekale: emakumeen presentzia herriko sinboloetan izena jarri diote mahai-inguruari, eta bi hizlari berezi gonbidatu dituzte okasiorako. Batetik, Merche Tranche Iparragirre ikerlaria, historialaria, eta genero eta espazioan aditua.
`Andrekale’ proiektua aurrera eramateko taldea osatzen ari dira. Parte hartu nahi dutenek lehenbailehen eman behar dute izena.
Bestetik, Irungo Bilgune Feministako kidea den Miran Lantz Solbes. Mahai inguruan parte hartu nahi duten herritar guztiak gonbidatu dituzte, entzun eta iritzia ematera.
‘Komanditario Berriak’ proiektua, martxan
Tabakalerak antolatu duen Komanditario Berriak proiektuan onartua izan da Andrekale. Lehen aipatu bezala, Andrekale proiektuaren helburuetako bat da aztergai jartzea herri eta hirietako izenak aukeratzerakoan kontuan izaten diren irizpideak. Proiektua aurrera eramateko taldeak urte eta erdi inguru du. Azaldu dutenez, taldea irekia dago eta hurrengo bilera bitartean parte hartu nahi duenak izena eman beharko du. Behin martxan jarrita, ezin izango da parte hartu. Horretarako: Plaza Feminista (Aristizabal 7, behea), 943 33 70 17 edo irantzu-j@hernani.net.