Hernaniko Udalak 500.000 euro aurreikusi ditu 2015 urteko aurrekontuan, herritarrek zer egin erabakitzeko. Aztikerren laguntzarekin partehartze prozesuaren jarri dute martxan, eta helburua da herritarrek proposamenak egitea Hernanik dituen beharren inguruan. Bileretan bertan eztabaidatuko dira proposamenak eta aurrekontuan sartuko direnak lehenetsiko dituzte. Prozesu osoa hiru fasetan egingo da eta irailerako erabakita izatea espero da.
Bilerak, gaika
Ekainaren 11 bitartean bost bilera egingo dituzte, gaika. Aurrenekoa gaur deitu dute, eta landuko diren gaiak izango dira: kultura, euskera, jaiak, kirola, musika, arte sorkuntza... Biterin jarri dute zita, 18:00etan.
Proposamenak egiteko beste zenbait bide ere badaude: Auzoek, Partehartze Batzordean. Eta herritarrek, Udaleko, Kiroldegiko edo Biteri kultur etxeko buzoietan; eta www.hernani.net orrian.