EH Bilduk lortu du boto gehien, %49,27 eta abstentzioa %58,33koa izan da

Europako Hauteskun­deeta­ra­ko botoa eman zuten atzo 6.344 hernaniarrek, bozka­tzera deituta zeudenen %41,67ak. EH Bildu alderdiak lortu zituen boto gehian, 3.107. EAJ alderdiak 958 boto lortu zituen; bigarren alderdi boz­katuena izan zen. Atzetik gelditu zen PSOE 707 bo­to­rekin. Podemos alderdia au­rre­­neko aldiz aur­keztu da hauteskun­deetara eta 366 her­naniarrek eman zioten botoa. PP alderdia izan zen bosgarren indarra 306 botorekin; Ezker Anitzak 292 lortu zituen; eta UPyDk 114.  

Parte hartzea gora, zertxobait
Eguerdira bitartean mugitu zen jende gehien bozkatzera. 15.362 hernaniar zeuden de­ituta botoa ematera, eta horietatik %41,67ak bozkatu zuen, 6.344 herritarrek.
Abstentzioa %58,33koa izan zen; 8.882 pertsonak ez zu­ten bozkatu. Aurreko hautes­kundeetako datuekin aldera­tuz, parte hartzeak gora egin zuen zertxobait; 2009an %60koa izan baitzen absten­tzi­oa. Joera hau errepikatu egin da Gipuzkoan eta EAE mailan.

Abstentzioak behera egin zuen Hernanin 2009ko datuekin alderatuta, eta joera mantendu egin zen Gipuzkoan eta EAEn.

54 diputatu aukeratu dira Estatuan
Europako Parlamentuan 54 eurodiputatuko errepresenta­zioa izango du Estatuak. Al­derdi bozkatuena PP izan da, 16 eserleku lortuta. PSOEk 14 eserleku lortu ditu; Ezker Anitzak 6; Podemosek 5, UPyDk 4, Europarako Koalizi­oak (EAJ) 3; EPDDk 2; C’s koa­lizioak 2; Herriek Erabakik (EH Bildu) 1; Primavera Euro­peak 1.
Kronikak erredakzioa itxi zuenean oraindik botoak kon­tatzen ari ziren Europako zenbait Estatutan; hortaz, erabaki gabe zegoen zein al­derdik osatuko duten Euro­pako Parlamentua.