Zarautz eta Lazkaon probak, gaur

Donosti Berri taldeko txirrindulari astigartarrek karrera dute gaur, Gi­puzkoako Txapelketaren barruan. Alebin eta infantilak Zarautzen izango dira, Abendañon (16:30), eta kadeteek Lazkaoko Hesparrun hartuko dute parte (16:00). Aurreko larunbatean, oso emaitza onak lortu zituzten. Kadeteetan, Gorka Urkiolak 10garren postua lortu zuen ba­nakako lehian, Ataunen, eta Urko Semperena 35garren geratu zen, 74 parte hartzaileen artean. Alebin eta infantilak erlojupekoan aritu ziren taldeka eta Tomas Oterminek eta bere taldeak 8garren postua lortu zuten. Jaime Romerok eta Telmo Semperenak talde mistoetan hartu zuten parte. Igandean, Villatuertan izan ziren Urkiola eta Sem­perena, baina proba utzi behar izan zuten bezperako nekearen eraginez.