Aurreko larunbatean, auzo batzarra egin zen Auzo Udalak deituta. 38 lagun bildu ziren. Alde batetik, diru kontuen azalpena egin zen, bai 2013ko kontuena, baita 2014an Auzo Udalak kudeatuko duen aurrekontuarena ere.
Bestetik, zenbait asmo eta proiektu aurkeztu ziren. Eta horien artean, batzarraren oniritzia jaso zuten errepidearen antolaketari lotutako bi proiektuk: Fagollaga zeharkatzen duen bidean espaloiak egitea eta Ereñotzuko auzunean zebra bide konkordunak jartzea.
Bestalde, Ereñotzuko behealdeko auzuneko ur zikinak biltzeko eta ingurua urbanizatzeko asmoaren berri ere eman zen. Proiektua egina dago eta finantziazioa bilatzen ari da Auzo Udala.