Iaz, final laurdenetara iritsi zen Astigarraga. Hori horrela, aurtengo Herriartekoan, final zortzirenetan sartuko da. Hain zuzen, ostiralean ekingo dio txapelketari eta Arrasate izango du aurkari. Kanporaketa zaila izango dela dio Joxe Mari Zubiarrain pelota arduradunak: «Pelotari on bat behintzat badute kategoria bakoitzean eta bikoteak ez dakizkigu zeintzuk izango diren. Hala ere, irabazteko esperantza dugu, gutxienez, kadete eta seniorretan». Astigarragak, inoizko talderik onena duela aurten azpimarratu du Zubiarrainek eta finalerdietara iristeko aukera haundia ikusten du: «Batzuk irabaziko dugula ere esaten ari dira, baina guk talde indartsu asko ikusten ditugu».
Ostiralean, joaneko partidua jokatuko dute Arrasaten, 20:00etan. Bueltakoa datorren asteburuan izango da, Astigarragan. Herritarren animoak beharko dituzte.
Joxe Mari Zubiarrain da arduraduna eta 10 pelotarik osatzen dute taldea.
Kadeteak: Gorka Oiarbide, Hodei Exposito, Oier Olarra (ordezkoa); jubenilak:
Maikel Ruiz, Argoitz Otaño, Egoitz Olarra (ordezkoa); seniorrak: Xabier
Barandiaran, Jokin Santxez, Harri Loidi eta Oier Gurutzealde (ordezkoak).