Lehenengo Goizutrail mendi lasterketak 128 korrikalari bildu zituen aurreko larunbatean eta giro ederra sortu zuen herrian. Antolatzaileak gustora dira jasotako erantzunarekin eta heldu den urtekoa oraindik arrakastatsuagoa izan dadin lanean jarraitzeko asmoa dute.
Gizonezkoetan, Ismail Razga santurtziarra izan zen lehenengoa helmugaratzen (1:47:21). Bigarren postuan, Unai Santamaria hernaniarra sailkatu zen (1:51:57) eta hirugarrenean, Imanol Larrañaga azpeitiarra (1:54:08). Emakumezkoen artean, berriz, Elgoibarko Ainhoa Lendinez izan zen txapelduna (2:18:08), Uxune Tena urnietarra bigarrena (2:20:44) eta Irantzu Ibarrondo hirugarrena (2:47:05).
Lehenengo beteranoak Carlos Garcia (1:54:49) eta Maite Begiristain (2:59:01) izan ziren. Eta herriko azkarrena, Martin Etxeberria (1:59:37). Sailkapen orokorrean, 12garren postuan geratu zen.
Goizuetatik, kuadrila ederra animatu zen parte hartzera eta boluntario lanetan 85 herritar baino gehiago aritu ziren. Eskerrak eman nahi dizkiete guztiei.
Argazki guztiak eta Felix Loiartek egindako bideoa ikusgai, hemen.