Hernaniko eskubaloi taldea martxan jarri da berriro, eta aurtengo denboraldia ondo bukatzeko, ate irekien jardunaldi bat antolatu du igande honetarako. Helburua da eskubaloi eskola haurren artean ezagutzera ematea, eta datorren denboraldirako jokalari gehiago lortzea.
2001etik 2006ra bitartean jaiotako haurrak gonbidatu dituzte.
35 haur, eskubaloi eskolan
Bukatzear dagoen ikasturte honetan bertan sortu da berriro ere eskubaloi taldea.
Garai bateko Hernaniko taldea eta afizioa berreskuratzeko asmotan, eskubaloi eskola jarri dute martxan, haurrek kirol hau praktikatu eta ikasteko. Denboraldi honetan 35 haur aritu dira, eta datorren ikasturterako gehiago lortzea espero dute, alebin, infantil eta kadete mailetakoak. Horrela, igande honetako ate irekien jardunaldira gonbidatu dituzte 2001 eta 2006 urte bitartean jaiotako guztiak. Kiroldegiko 2garren pistara jo beharko dute.