Naiara Navarro, Amaia Goikoetxea eta Lucia Manso Donostiako 3 fisioterapeuta dira. Nikaraguan izan ziren kooperazio talde batekin lanean, eta horrekin lotuta, Tximelagua proiektua jarri zuten martxan 2009an. Proiektu horren berri emango dute gaur, 19:30etan Biterin. Helburua da ezintasun fisikoak dituzten haurrei zerbitzua ematea.
100 umeri laguntzen
Tximelagua proiektua 2009an jarri zuten martxan hiru fisioterapeuta donostiar hauek. Ezintasun fisikoak zituzten 42 umeri laguntza ematen hasi ziren, eta 2010ean fisioterapia zentroa ireki zuten Nikaragua iparraldeko El Tuma-La Dalia herrian.
Ordutik, 100 ume ingururi ematen diete laguntza, bai asterokoa eta baita tartekakoa ere: tratamendu fisioterapeutikoa, laguntza ortopedikoa eta mugitzeko laguntza.
Dirua biltzeko kanpaina jarri dute martxan, segurtasun muroa eta zentrora sarrera errazteko aldapa egiteko.
3.375 euro biltzeko kanpaina
Nikaraguako zentroaz gain, dirua biltzeko martxan duten kanpainaz ere hitz egingo dute. Asmoa da 3.375 euro biltzea segurtasun muro bat eraikitzeko, eta zentroaren sarreran bidea erraztuko duen aldapa bat egiteko.