Kantuz abesbatzak urtero antolatzen duen kontzertua emango du larunbat honetan, Kantuz Egunean. Urteko zita garrantzitsuenetakoa izaten da, eta aurtengoa berezia izango da, lehenengo aldiz kontzertua parrokian emango baitute, iluntzeko 20:00etan hasita.
Orio eta Astigarragako gonbidatuak
Kontzertuan ez du Kantuz abesbatzak bakarrik abestuko. Astigarragako Aiztondo eta Orioko Salatxo abesbatzak entzuteko aukera ere izango da.
Bestalde, Xabier Lizaso piano-jole ezaguna izango dute lagun.
Kantuzeko kideek hernaniar guztiak, eta bereziki, bazkideak gonbidatu nahi dituzte kontzertua entzutera.