«Elkartu egin ditugu munduko sukaldaritza onenetakoa eta munduko elikagai onenak»

Asteazkenean aurkeztu zuen Gipuzkoako Ostalaritza Elkar­te­ak 7 Amets Gourmet egitas­moa. Aurkezpenean izan ziren Gipuzkoako Ostalaritza Elkar­te­ko presidentea, Mikel Uba­rrechena; Nekazaritza, Arran­tza eta Elikadura Politikako Sailburuordea, Bittor Oroz; eta egitasmoan parte hartzen ari diren 7 jatetxeetako sukal­da­riak, tartean, Ixak Salaberria, Fagollaga jatetxekoa. 
Ubarrechenak eta Orozek azaldu bezala, egitasmoa sortu da HAZI fundazioarekin egin­dako KALITATEA elkarlanerako akordioaren barruan, eta hel­bu­rua da «bertako produk­tuen merkaturatzea bultza­tzea». Ho­rixe da, hain zuzen, 7 Amets Gour­met egitasmoarekin Gi­puz­­koako 7 jatetxe hauek har­tutako «konpromisoa».

Bertako produktuen aldeko konpromisoa
Aurkezpenean azaldutakoaren ara­bera, egitasmo honen as­moa da «baserritar eta arran­tza­leen lana errekono­zitzea, eta hauen lanarekiko eta ka­li­ta­te­a­rekiko konpro­misoa har­tzea». 
Horrexegatik, 7 jatetxe hauek menu berezi batzuk osa­tu dituzte, bertako, kalita­tez­ko eta denboraldiko produk­tuak erabilita. Banketeetarako, eta orokorrean, talde haun­dietarako menuak dira, baina «berehala eguneko menu eta karta normaletara gehituko dira produktu hauek, Eusko Labela duten produktuak eta produktu ekologikoak oso ondo egokitzen baitira gure su­kal­daritzara».
Era berean, aurkezpena apro­betxatu zuten bertako, ka­litatezko eta denboraldiko pro­duktu bat goraipatzeko: antxo­ak. «Kontsumorako guztiz se­gurua eta oso osasungarria» de­la azpimarratu zuten, ani­sakiaren inguruan sortutako kezka uxatzeko.

Oraingoz, 7 jatetxe
7 Amets Gourmet egitasmoan par­te hartzen ari diren jate­txeak zazpi dira, oraingoz; Gipuzkoakoak denak. Herna­niko Fagollaga jatetxea, Azkoi­tiako Joseba, Honda­rri­biko Ala­meda, Itziarko Salegi, Ber­garako Lasa, Donostiako Bran­ka eta Ordiziako Martinez. 
Etorkizunean gehiago ere izango direla ziurtatu zuten: «munduko sukaldaritza one­netakoa eta munduko eli­kagai onenak elkartu ditugu, eta horrek oso sinergia ona sortu du. Gantxo bat izango da jatetxe gehiagorentzako».

Salaberria pozik, parte hartzeagatik
Hernaniko Fagollaga jatetxea da egitasmoan parte hartuko duenetako bat. Bertako su­kaldariak, Ixak Salaberriak aipatu zuen «proiektuan parte hartzeagatik pozik» dagoela. «Gauzak ez dira errazak orain inorentzat, eta edozein babes da ona. Askotan kanpora be­gira egoten gara, baina oso gauza bereziak egin daitezke hemengo produktuekin ere, eta horrek poxa ematen du».
Fagollagan dagoeneko es­ka­tu daiteke euskal produk­tu­e­kin osatutako menua. «Oso po­zik gaude ber­tako produk­tu­ei,  Ka­litatearen Q-a dutenei ba­be­sa eman ahal izateagatik. Ber­tako produktua erabiltzea asko interesatzen zaigu, ka­lita­tezkoa baita. Ez dakit fa­borea nork egiten dion nori!».

FAGOLLAGA JATETXEA IXAK SALABERRIA

Hasierakoak:
-Eusko Labela duen euskal tomatearen freskagarria Idiazabal kremarekin.
-Gernikako piperren tenpura.

Jarraitzeko:
-Eusko Labela duten baserriko arrautzak, Arabako patata eta urdaiazpiko iberikoarekin.
-Tenperatura bajuan gereziekin melatutako Kantabrikoko hegalabur gorria eta salda begetala.
-Legatza Arabako Errioxako oliba olio zoparekin eta Ibarrako piperrekin.
-Baserrikoa den txerri harrapakina humus eta eltzeko saldarekin.

Postrea:
-Herrialdeko sagardo biscuit-a txokolate pikante eta intxaur galletarekin.
-Eusko Labela duen ezti izozkia txokolate hondar eta zukuarekin.

Edariak:
Arabar Errioxako ardo beltza.
Txakolina.
Sagardoa.