Unai Santamaria bigarren, Goizuetako mendi lasterketa arrakastatsuan

Lehendabiziko urtea izateko oso emaitza polita izan zen parte har­tzaileen aldetik, atzo Goizuetako mendi lasterketan. 128 parte har­tzaile, 85 laguntzaile eta maila polita, 21,5 km-ko lasterketan. Gizonezkoetan Ismail Razga santur­tziarrak irabazi zuen, 1:47 denborarekin. Bigarrena hernaniar bat, Unai Santamaria (1:51); eta hirugarrena, Imanol Larrañaga azkoitiarra (1:54). Lehendabiziko emakumezkoa Ainhoa Lendinez elgoibartarra (2:18); bigarren Uxune Tena urnietarra (2:20); eta hirugarren Irantzu Ibarrondo (2:47). Lehendabiziko goizuetarra, 12garren postuan, eta marka bikaina eginda (1:59), Martin Etxeberria.