Bidebitarte poligonoaren eta Donostia ibilbidearen artean dagoen aparkalekuko trafikoa norabidez aldatu du Udalak. Orain, Bidebitarte poligonoko sarreratik sartu behar da aparkatzera eta Txingurri aldean dagoen irteeratik atera. Oinezkoen eta txirrindularien segurtasuna areagotzeko egin du aldaketa Udalak. Diagonalean aparkatzen jarraituko da, baina kotxea muturrez sartu beharrean, atzeraka aparkatu beharko da. Horrela, kotxea berriro martxan jartzean, oinezko eta txirrindulariak hobeto ikusteko aukera izango dute gidariek.