Atzo arratsaldean ertzaintzak Juan Mari Mariezkurrena hernaniarra atxilotu zuen, Auzitegi Gorenak jarritako 7 urte eta erdiko kartzela zigorra betearazteko. Josune Balda eta Jose Camachorekin batera atxilotu zuten Mariezkurrena, 2010ean, eta gaur egun hiru hernaniarrak kartzelan daude. Kronikara bidalitako prentsa oharrean, Hernaniko Ezker Abertzaleak gogor salatu du Mariezkurrenaren atxiloketa. «Mobilizatzeko deia luzatzen diegu hernaniar guztiei, era guztietako errepresio ekintzak gelditu behar dutelako».