Aurreko asteburuan ospatu zituzten Txino auzoko festak. Ostiralean ekin zioten festari Julio Soto eta Xabier Legarretaren bertso saioarekin, Zubiondo tabernan. Mus Txapelketa ere jokatu zen. Larunbata izan zen egun nagusia. Dantzariek girotu zuten goiza eta ondoren, txupinazoa egin zen. Iñigo Elizegi preso goizuetarra gogoan izan zuten, besteak beste. Txupinazoarekin batera, berriz, dragoia atera zen kaleak girotzera. Festa berandura arte luzatu zen, bazkari, bakarrizketa eta kontzertuekin. Kronikak ateratako argazki eta bideoak interneten daude ikusgai. Baita Felix Loiarterenak.