Astigarragako ikastolako umeak patioko hormigoizko bankua margotzen ari dira egun hauetan. Astelehenean hasi ziren eta maiatzean zehar bukatzeko asmoa dute, eguraldiak laguntzen badu. Hirugarren mailatik bosgarren mailara arteko ikasleak ari dira parte hartzen; egun eta ordu bakoitzean talde desberdin bat. Bakoitzak nahi duena margotzen du. Guraso Elkarteak sormen tailerra antolatzen du eskolaz kanpoko ekimenen artean eta ekimen hau ere, elkarteak antolatu du.