Txalapartaren historia eta gaur eguneko joerak ikusi eta entzun ahal izango dira gaur, Hutsun taldearen eskutik, eta bi eguneko jaiari hasiera emateko. Hutsun taldeak kontzertu didaktikoa ematen du, entzuleek ideia bat egiten dute zer zen txalaparta lehen eta zer den orain. Zergatik sortu zen txalaparta, noiz, non sortu zen... egur ezberdinak, eta egurra ez diren materialak... ikuskizun entretenigarria, 19:30etatik aurrera, Biterin. Sarrerak, 6 euroan.
Eta gauean... Party Aparta
Parranderoenentzat, gaur gauean Atxurren izango da txalaparta giroa. Bi DJ musika jartzen, eta txalaparta bat hutsik egongo dira, nahi duenaren eskura. Festa irekia da, 00:00etatik aurrera, Txalaparta Party Aparta.
Ttakun 3.0 eta txalapoteoa
Eta festaren egun haundiena bihar, beti bezala, goizetik gauera. Goizeko 11:00etan Musika Eskolan aurkeztuko dute programa informatiko bat, txalapartarako moldatua: Ttakun 3.0. Eguerditik aurrera, erromeria eta txalaparta librea Hernaniko kaleetan, eta batez ere Tilosetan, azoka txiki bat eta guzti. Herri bazkaria dute ondoren, eta arratsaldeko 17:00etatan, Jaialdi Nagusia, Zuaznabar eta Goikoetxea familiekin hasi eta beste zazpi taldek joko dute.
Ondoren, Txalapoteoa. Aurten lehenengo aldiz, tabernaz taberna, txalaparta joaz.