San Ixidro da gaur, baserritarren eguna, eta Hernaniko baserritarrek beti bezala festa egingo dute. Goiz pasa izango da, eta horretarako prestatu dira lehendabizi, meza eta ondoren pelota partiduak.
Meza, San Joan Bataiatzailea parrokian
Goizeko 11:00etan meza izango dute, San Joan Bataiatzailea parrokian. Meza ondoren, bi pelota partidu, Hernanin gaur egun dauden pelotaririk onentsuenak ikusi ahal izango dituzte, 11:30etatik aurrera. Palaz ariko dira elkarren kontra, Jauregi eta Goikoetxea batetik, Tijero eta Irazustabarrena bestetik. Ondoren, eskuz binaka ariko dira: Arrieta eta Aizpitarte batetik, eta Ojuel eta Lizeaga bestetik.