Mekanikako oinarrizko kontzeptuak ikasi eta praktika hartzeko ikastaroa antolatu du Hernaniko Udalak. Bereziki emakumeei zuzendutako ikastaroa da, Udalak azaldu duenez, diskriminazio positiboa egin baitu: «bilatzen da emakumeek ere parte hartzea gizonezkoentzat jo ohi diren hainbat arloetan. Mugak gainditu nahi dira, eta bereziki emakumeen partehartzea sustatu nahi da, euren autonomia bultzatu eta parekidetasunaren bidez pausuak eman». Ikastaroan parte hartu nahi duten mutilek ere, eman dezakete izena.
3 asteko ikastaroa
Ikastaroaren helburua da edozeinek izatea aukera kotxearekin izan ditzakeen arazoei aurre egiteko, izan gizonezko edo emakumezko. Hiru asteko ikastaroa izango da; astelehenetik ostiralera emango da, egunean lau orduz. 3 aukera daude: apirilaren 1etik maiatzaren 7ra, maiatzaren 12tik 30era, eta ekainaren 2tik 20ra.
Izena emateko epea,ostegunera arte
Ikastaroan parte hartu nahi duenak ostegunera arte du izena emateko epea zabalik. Horretarako edo informazio gehiago lortzeko, deitu 943 55 18 08 telefonora.