2013ko urrian eta azaroan kirol espazioen beharrak definitzeko eta hauei erantzuna emateko plana eraman zuen aurrera Udalak. Abenduan bukatu zuten etapa hori eta epe motz, ertain eta luzean egin beharreko ekintzen plana aurkeztu zuten. Plan hau aurrera eramateko eta betetzen ari dela ziurtatzeko Jarraipen Batzordea osatzea erabaki zen. Jarraipen Batzorde hori etzi, ostegunean, bilduko da, Biterin, 19:00etan. Prozesuan parte hartu zuten herritarrak eta interesa dutenak gonbidatu ditu Kirol Sailak.