Aste osoa lanpetuta, Hernaniko futbol kluba

Hernaniko futbol kluba lanpetuta ibili da aste osoan zehar. Hasteko, ostegunean atzeratutako partidu bat jokatu zuen Erregional Ohorezko  Mailako taldeak Real Unionen kontra, eta 2 eta 1 irabazi zuen Julen Goiak eta Luis Egañak sartutako golei esker. Ondo­ren, A­l­tzueta sagardotegian, patrozinatzailea bera, ospatu zuten garaipena.
Atzo, berriz, Tolosaren aurka jokatu zuen taldeak, eta ez zuen ez, lan makala egin. Hala ere, galdu egin zuen, 1 eta 0. Aurkari gogorra izan zen Tolosa, sailkapenean Hernani baino 11 puntu aurrerago dagoena.
Euskal Ligako Ema­ku­me­en taldeak, berriz, lan txukuna egin zuen atzokoan Tolosaren aurka. 1 eta 2koarekin irabazi zien tolosarrei, eta sailkapenaren erdialdean lasai finkatu da. Datorren asteburuan pun­tu kopuru bera duen Berrio-Otxoa taldearen aurka jokatuko du. Aukera polita, duen maila erakusteko.