Gaur goizeko 11:00etatik aurrera, Berria Txapelketa jokatuko da Hernaniko frontoian, eta maila altuko pelotariak ikusteko aukera izango da bertan. Txapelketako 3garren eliminatoria izango da.
Errioxa vs. Bizkaia
Hiru partidu jokatuko dira gaur, XI. Berria Txapelketa 3garren eliminatoria honetan. Senior, jubenil eta kadete mailako bana. Errioxako Titin III klubekoak Bizkaiko Markina klubaren aurka ariko dira.
Seniorretan, Cigarroa eta Vital errioxarrek Zugadi eta Kastillo bizkaitarren kontra jokatuko dute. Jubenil mailan, Mediabilla eta Altuzarra errioxarrak lehiatuko dira Markinako Arrizabalaga eta Urizarren kontra. Eta kadeteetan, Marcos-Ruiz bikote errioxarra Erkizia-Gomez bizkaitarren kontra ariko da.
Kiroldegira sarrera doan izango da eta Itxaspeko arrai eta marisko saskia zozketatuko da.
Bi kluben arteko faborito garbirik ez dago. Izan ere, kadeteetan errioxarrak dira faborito, jubeniletan bizkaitarrak, eta seniorretan, oso pareko daude biak.
Sarrera doan
Maila altuko pelotariak ikusteko aukera izango da gaur kiroldegian, eta sarrera doan izango da. Gainera, gerturatzen diren guztien artean Itxaspe arraindegiak emandako arrai eta marisko saski ederra zozketatuko da.
Pelotari hernaniarrak oso fin
Asteburu honetan esku pelotak berri onak dakarzki hernaniarrentzat. Berria Txapelketako partidu onak doan ikusteko aukeraz gain, pelotari hernaniarrak marka bikainak lortzen ari dira beste txapelketetan.
Arrietak Espainiako Txapelketako finala jokatuko du gaur, Peñas bikotearekin.
Arrieta hernanirrak, Espainiako Txapelketako finala jokatuko du gaur, eta Cisneros eta Rodriguezek Udaberriko Txapelketa irabazi dute.