Martxan jarri da berriro ere Hernani Eskubaloi Taldea. Jokalari gazterik ez dute falta, eta ezta gogorik ere, 80 eta 90 hamarkadetako indarra eta maila berreskuratzeko.
Igandean egin zen talde osoaren aurkezpen ofiziala, eta lagunarteko partidu batzuk ere jokatu ziren Elgoibarko Eskubaloi Eskolaren kontra.
Eskolarteko Txapelketa, laster
Gipuzkoako Federazioak alebin mailako Eskolarteko Txapelketa antolatuko du laster, eta bertan hartuko du parte Hernaniko talde berriak, Urnieta eta Leizaranen kontra.
Dagoeneko lanean hasi dira hernaniarrak, lagunarteko 3 partidu jokatu baititu taldeak orain arte. Lehengo astean Urnietako kadeteen kontra aritu ziren hernaniarrak derbian, eta benjamin eta alebinak ere beste partidu batzuk jokatu zituzten. Elgoibarko taldearen kontrakoa izan zen hurrengo partidua. Taldea ilusioz dago, eta garai bateko maila berreskuratzeko gogoz.