Ostegunean hitzaldia emango du Unai Apaolazak, 19:30etan udaletxeko areto nagusian (eta ez Biterin, lehenago argitaratu bezala). Hitzaldi hau, Natzak antolatu duen Independentziara bidezidorra zikloko bigarrena izango da. Aurrekoa, CUP alderdiko David Fernandezek eman zuen Kataluniako independentzia prozesuari buruz.
‘Estrategia askatzaileak hausnartzen’
Izenburu horixe du Apaolazak emango duen hitzaldiak. EHUko irakaslea da, filosofian lizentziatua, eta Euskal Herriko independentziaren aldeko hainbat herri mugimendutan parte hartzen du. Besteak beste, Independentistak sareko partaide da «pertsona erdigunean izango duen Estatu bat ezagutu nahi» duelako.