Aspaldian Hernanin ikusteko aukera izan ez dugun bost artista haundi igoko dira gaur taula gainera: Mikel Urdangarin, Rafa Rueda eta Bingen Mendizabal musikariak, Kirmen Uriberen testuak eta Mikel Valverderen ilustrazioak.
New Yorketik Hernanira
Bost artista hauek osatzen duten taldea 2003an elkartu zen lehenengo aldiz, Zaharregia, txikiegia agian CD-liburua estreinatzeko New Yorkeko Bowery Poetry Club ospetsuan.
Orain, proiektu berri bat dute eskuartean: Jainko txiki eta jostalari hura. Gitarra akustikoak eta elektrikoak, mandolinak, biolinak, teklatuak eta perkusioak jarriko diote musika irudiz eta testuz osatutako ikuskizun multimedia goxo honi.
Udaberriko Zikloa hastear
Emanaldi honek emango dio hasieran Hernani’n Musik-ren Udaberriko Zikloari. Sarrerak badaude, 7 eurotan.