Zapore ona eta ez hain ona, baina txarrik ez, atzo Zubipen, nesken eta mutilen talde nagusiek jokatu ostean. Neskek 0-2 galtzen hasitako partidua berdindu egin zuten Mariño liderraren kontra, Iñarrak eta Munduatek azken 10 minututan golak sartuta. Liga bukaera emozioz betea espero dute, jaitsierari ihes egin nahian hainbat talde baitaude.
Hasiera ona, bukaera txarra
Mutilen kasuan, ederki hasi zuten partidua, 2-0 irabaziz. Asier Mingok eta Unai Elizaldek sartu zituzten golak, eta partiduan itxura ederra ematen ari zen Hernani. Bergara ez zegoen ordea, barkatzeko, eta bigarren zatian partiduari buelta ematea lortu zuen. Liga bukatzen ari da, eta Hernani sailkapen erdian dago.
Datorren asteazkenean, atzeratutako partidua jokatuko du Hernanik Real Unionen kontra. Arratsaldeko 20:00etan izango da, Zubipen.