Martxoko kontzertua eskainiko dute gaur Hernaniko Musika Eskolako txistulariek, eguerdiko 12:45etan hasita. Saioa Udaletxeko arkupeetan izango da, eta hamabi abesti joko dituzte.
Goazen goazen herrikoiarekin ekingo diote txistulariek, eta Hiru bueltakoa eskainiz bukatu. Tartean, hainbat musikagileren abestiak entzun ahal izango dira: Isidro Ansorena, Santos Intxausti, Eusebio Basurko, Jose Ignazio Ansorena, J. Franco, Joakin Iruretagoiena eta Jose Harina.
Horrez gain, aipatutako bi abesti herrikoiez gain, honakoak joko dituzte: Inauteriko zortzikoa, Inauteri soinua, Arantzako dantza luzea, Kontrapasa, Minuetoa, Ansola anaiak. Antxiñeko abestiyak, Fandangoa eta arin-arina eta Gipuzkoako Oihartzunak.