«Udalari eskatzen diogu herriko denda txikiak laguntzeko»

Urtero bezala, Ikastolako Lehen Hezkuntzako ikasleek gai bat landu dute, Eskolako Agenda 21 programaren ba­rru­an. Oraingo honetan, kon­tsu­moa aztertu dute; kon­tsumo jasangarria. Datuak bildu eta herriko egoera az­ter­tu dute. Eta egoera hobe­tzeko, hainbat gauza egiteko prest azaldu dira ikasleak: gurasoei herriko dendetan erosteko esan, ura eta argia behar denean baka­rrik ibili, pobreei lagundu, kotxea gu­txiago erabili, zaborra zabo­rron­tzira bota...
Dena dela, Udalari ere hainbat hobekuntza eskatu behar zaizkiola ikusi dute. Hori horrela, astelehenean Andoni Gartzia alkatearekin bildu ziren. Honako eskaerak egin zizkioten Udalari: Herriko denda txikiak laguntzea, fa­bri­kak kontrolatu eta modu gar­bian lan egiten dutela ziurta­tzea, ibaira egiten diren isuriak kontrolatzea, zaborren usaina kontrolatzea, zabo­rron­tzi gehia­go jartzea, etxe haun­dirik ez egitea, aparka­lekuen ordez parkeak eta futbol ze­laiak jartzea, bidego­rria luza­tzea Zarkumende­gira...
Alkateak azaldu zuen kon­tuan izango zituztela eskaerak eta horietako batzuk martxan zeudela dagoeneko: «zabo­rron­­tzi egokiak jartzekotan gara eta futbolean edo beste ki­roletan aritzeko kantxa bat egingo da Ergobi inguruan».