Betiko haizeak kantu berria dakar. Horixe da Astigarragako Gazte Asanbladak aukeratu duen leloa, Gazte Egunerako. Gazte Eguna, hurrengo larunbatean izango da, martxoaren 22an, eta astigartar guztiei luzatzen diete gonbidapena, parte hartzeko. «Egun guztian zehar kaleak giroz eta kolorez beteko ditugu, olinpiadak, bazkaria, txaranga eta kontzertuen bidez. Antolatuko ditugun ekintza ezberdinetan parte hartzera gonbidatzen zaituztegu, edozein adin izanda ere, denok baikara gazte».
Bazkariko txartelak, Ekaitz, Zipotza eta Garinen
Bazkaria ere antolatu dute eta gogorarazi dute txartelak larunbat honetan kenduko dituztela tabernetatik (Astigarragan, Ekaitz eta Zipotza; Hernanin, Garin). Bazkaria 14:30etan izango da, eguraldia lagun, Joseba Barandiaran plazan; eta bestela, frontoian.
Elektrotxaranga, kontzertuak...
Bazkal ostean, Pelox bakarlaria arituko da eta ondoren, elektrotxarangak hartuko dio lekukoa. Eguna, kontzertuekin bukatuko dute. 22:30etan hasiko dira, Trikoma Banda, Okensay eta Ingo al deu? «Animatu eta parte hartu!!», dei egin dute.