Nabarmentzeko bi albiste daude gaur, pelotari dagokionean. Federazioen arteko GRAVNI Txapelketa ospetsua gaur hasiko da eta txapelketan parte hartzeko aukeratu dituzte Mundarroko hiru pelotari. Gipuzkoaren izenean, trinkete modalitatean jokatzeko aukeratu dituzte. Hiru pelotariak honakoak dira: Argoitz Otaño (jubenila), Xabier Barandiaran (Sub 22) eta Oier Gurutzealde (Sub 22).
Alebinek, final laurdenak jokoan gaur
Kirol eskolarrean, Arantzazuko Ama Ikastolako talde alebin bat sailkatu da Gipuzkoako Txapelketako final laurdenak jokatzeko. Pelotariak dira: Aimar Mujika, Ekain Lizeaga eta Xumai Ollo. Partidua gaur jokatuko dute Loiolako pelotalekuan. Arratsaldeko 16:00etatik aurrera, bigarren partidua izango da.