Jon Maia bertsolari ezagunak hitzaldia emango du gaur Martutenen. Arantzazuko Ama Ikastolak hitzaldi ugari antolatu ditu datozen hilabeteetan eta horien artean aurrenekoa izango da gaurkoa. Maiak azalduko du, euskaldun izateko egindako ibilbidea. Maia, Urretxun jaio eta Zumaian hazitakoa da. Etorkinen semea (aita Zamorakoa eta ama Extremadurakoa). Hori horrela, Euskal Herriko kulturan integratzeko izan dituen bizipenak eta esperientziak kontatuko ditu.
Hitzaldia 18:30etan izango da, Arantzazuko Ama Ikastolako Gaztelekuan, Martutenen. Herritar guztiei irekia da.
Andoni Egaña, Astigarragan
Hurrengo hitzaldia apirilaren 1ean izango da, Alvaro Beñaranen eskutik. Hitzaldi hori ere, Martutenen izango da, baina Astigarragan ere izango da hitzaldirik. Hurrengo egunean, apirilaren 2an, Andoni Egañak emango du, hain zuzen. Gaia: Euskera, bestela ez gara.
Hitzaldiak
Gaur, 18:30etan Martuteneko
gaztelekuan, Jon Maia: Euskaldun
izateko egindako ibilbidea.
Apirilak 1, 18:00etan Martuteneko psikomotrizitate gelan, Alvaro Beñaran.
Apirilak 2, 18:00etan Astigarragako eraikineko liburutegian, Andoni Egaña: Euskera, bestela ez gara.
Maiatzak 26 eta 29, Martutenen eta Astigarragan, Amaia Vazquez.